煥然一居撻Q

煥然一居提早一個月開賣, 成績慘不忍睹, 雖然比開賣時折讓少左, 但仲有16%. 本來338伙比超過1.2萭份申請, 30幾人爭一個單位, 好不熱鬧,  可惜到開賣時, 八成幾既中籤者甩底, 放飛機, 點解會咁呢??

好多人都講, 市好自然特別多人想買樓, 市淡時住屋需求都會少好多. 如2003年, 記得身邊好多朋友都話租樓好, 一買左就一世, 租樓住殘左就搵個間搬. 而市好時, 同一班人睇見班業主賺住賺價, 又話磚頭穩陣. 呢班想買樓既人迫到政府折讓賣樓俾佢地, 可惜一見勢色唔對, 八成轉軚. 今次又再一次見識到香港人怕蝕底既特點. 

當一個政府出招, 好多時都已經去到水尾, 因為政府往往後知後覺, 結果不問已知! 相信今次都唔例外, 希望政府黎緊唔好再亂黎, 唔好再有太多行政手段干預樓市, 如果唔係, 真係會有個大調整, 之前一兩年買左既上車盤業主變左負資產後就手尾長!