買樓好定租樓好?

最近有篇潮文講唔買樓總會有佢既原因, 咁到底係唔係真係買好過租?? 當美國70年代取消左金本位之後, 山姆大叔就可以不斷印銀紙, 而令到美元的購買力日漸縮水, 由於聯繫匯率, 港幣既購買力亦無可避免縮水, 既然係咁, 債務正正係我地呢個GENERATION既恩物, 正所謂借長債, 抗通帳, 試想想, 太古城76年開賣的入門價原來12萬4500元、如果當年可以借盡, 40年來只還息, 依家仍然欠銀行12萬4500,但依家層樓閒閒地6,7百萬, 所以用時間黎幫你既欠款貶值的確係一個唔錯既選擇!

所以, 如果想買入自住既單位樓價比舊年成交跌左超過20%, 而又能夠負擔得起, 買黎自住長遠都係有著數! 咁乜叫負擔得起? 呢個就言人人殊, 不過個人認為, 買完後仍有半年既供樓錢和生活費作儲蓄, 以備不時之需, 咁就可以放膽置業. 始終人有三衰六旺, 唔順時可用應急錢繼續供樓, 只要KEEP住供, 銀行收樓既機會亦唔大.